Campelo e Combarro celebran unha das súas festividades máis fermosas por tradición e devoción popular á patroa dos mariñeiros. A procesión da Virxe do Carmen sae simultaneamente da capela de Fátima en Campelo e da igrexa de San Roque en Combarro ata chegar ao porto de destino. Desde aí as embarcacións saen engalanadas con flores, bandeiras e follas de palma; e unha delas, a máis adornada, alberga un lugar para a Virxe. Unha vez no mar, atópanse no centro da ría, dan a volta á illa de Tambo para volver aos seus portos e de alí, de novo en procesión, aos seus templos.
